உன்றன் திருப்பணியை

பல்லவி

உன்றன் திருப்பணியை உறுதியுடன் புரிய

உதவாத பாவி நானே.

Verse

அனுபல்லவி

Verse

அந்தகாரமே நின்றுன் அருணோதயமே கண்டு

வந்த நாள் முதற்கொண்டு வைத்தாய் எனக்குன் தொண்டு – உன்றன்

Verse

சரணங்கள்

Verse

1. வேதனத்தின் பொருட்டோ, மேலவர் நிமித்தமே

வெளியிட் டறிக்கை செய்யவோ?-உல

காதாயம் சுயநயம் அகிலத்துரிய புகழ்

அடைந்து ப்ரகாசிக்கவோ?

ஓதிக்காலங் கழிக்க உலகாவி அடைந்தவன்

நீதிக்கெனைப் பலியாய் நேர்ந்துகொண் டுழைக்கேனோ? – உன்றன்

Verse

2. வேனல் குளிரைக் கண்டு மேனி மிகவெருண்டு

வெளியேறா தகம் துஞ்சினேன்,-வேளைப்

பான முணவுபிந்த பலபிணி வருமென்ற

பயத்தாலே நித மஞ்சினேன்;

கானகம் மலைசென்று கடும்பணி குளிர் வென்று

போனகம் நீரகன்று புவியி லுழைத்த யேசு. – உன்றன்

Verse

3. காடோ, மலை நதியோ, கடலோ, கடந்தலுத்துக்

கஸ்தி மிகவே அடைந்து,-உடல்

பாடுங் கவலை நோயும் பசியும் நிருவாணமும்,

பகைவர் திருடர் மோசமும்,

சாடக் கிறிஸ்துவுக்குத் தகுந்த பானபலியாய்

ஓடத்தனை யொப்பித்தோன் உறுதி யெனக்கில்லையே. – உன்றன்

Verse

4. வண்டி வகைகளோடு வாழ்ந்தும் எனது கூடு

மயங்கி அயர்ந்து வாடுதே,-இனி

என்று மிருப்பிடத்திலிருந்து பணி புரிய

இசைந்தென் மனது நாடுதே;

ஒன்றும் உதவியின்று ஊரே அலைந்து சென்று,

நன்றே நிதம்புரிந்த நரனே பரனே யேசு. – உன்றன்