உன்னதமான மா இராஜாவான

1. உன்னதமான

மா இராஜாவான

சீர் சிறந்த இயேசுவே;

உம்மில் களித்து

உம்மைத் துதித்து

நேசித்துக்கொண்டிருப்பேனே.

2. பூ மலர் காடும்

பயிர் ஓங்கும் நாடும்

அந்தமும் சிறப்புமாம்;

இயேசுவின் அந்தம்

எனக்கானந்தம்

என் மனதின் குளிர்ச்சியாம்

3. அண்டங்கள் யாவும்

சூரியன் நிலாவும்

அந்தமாய் பிரகாசிக்கும்;

அவர் முன்பாக

மா ஜோதியாக

மினுங்கும் யாவும் மங்கிப்போம்.

4. விண் மண்ணுடைய

மகிமை மறைய

அவர் அந்தமானவர்;

வானத்திலேயும்

பூமியிலேயும்

நான் நாடினோர் என் ரட்சகர்.