உன்னை அதிசயம் காணச் செய்வேன்

உன்னை அதிசயம் காணச் செய்வேன்

நீ அற்புதம் கண்டிடுவாய்

இன்று வாக்களித்தார் தேவன்

இன்று நிறைவேற்ற வந்து விட்டார் — உன்னை

1. வழிதிறக்கும் அதிசயம் நடந்திடுமே

செங்கடலும் திறந்தே வழிவிடுமே

தடைகளெல்லாம் தகர்ந்தே போகுமே

இடைஞ்சலெல்லாம் இன்றே மறைந்திடுமே — உன்னை

2. குறைகளெல்லாம் நிறைவாகும் அதிசயமே

இறைமகனாம் இயேசுவால் நடந்திடுமே

வாதையெல்லாம் மறைந்தே போகுமே

பாதையெல்லாம் நேயாய் பொழிந்திடுமே — உன்னை

3. வழிநடத்தும் அதிசயம் நடந்திடுமே

காரிருளில் பேரொளி வீசிடுமே

வனாந்திரமே வழியாய் வந்தாலும்

வல்லவரின் கரமே நடத்திடுமே — உன்னை