உண்மையான அன்பிற்காய்

உண்மையான அன்பிற்காய் காத்திருக்கின்றேன்

என் வாழ்நாள் முழுவதுமே

என் வாழ்வின் தன்மையின் நேரங்களெல்லாம்

துணையாக யார் வருவார்

தரிசித்தேன் நான் தரிசித்தேன்

நம்பிக்கையற்ற சூழலில்

வெறுமையான வாழ்க்கையில்

இயேசுவை நான் தரிசித்தேன் -உண்மையான

சோர்வுகள் என் இதயத்தை

சூழ்ந்திருந்த வேளையில்

நான் நம்பின எல்லோரும்

என்னை கைவிட்ட வேளையில்

கண்ணீரே எந்தன் உணவானதே

கட்டுகளோடே வாழ்ந்திருந்தேனே

உமது வருகையே மகிழ்வை அளித்ததே

உமது நேசமே என்றென்றும் போதுமோ – உண்மையான

ஒவ்வொரு நொடியும் நீர் என்னை நடத்துகிறீர்

ஒவ்வொரு நாளும் நீர் என்னோடு பேசுகிறீர்

உம் வார்த்தையே எனக்கு ஜீவன் அளித்ததே

ஆவிக்குரிய ஆசீர்வாதம் சந்தோஷம் அளித்ததே

உமக்காகவே நான் என்னையே தருகின்றேன்

உமக்காகவே நான் இறுதி வரை காத்திருப்பேன் – உண்மையான