உலகையோர் நிலையென்றெண்ணாதே

உலகையோர் நிலையென்றெண்ணாதே – Ulagaiyor Nilai yentrennaathae

பல்லவி

உலகையோர் நிலையென்றெண்ணாதே ஷணம்

ஒழிந்து போம் உன்னோடோரடியும் வராதே!

அனுபல்லவி

பலமாகப் பொக்கிஷம் பரத்திலே தேடு

பத்திரமாயங்கு இருக்குமே நீடு

சரணங்கள்

1. நிலையாது செல்வம் எந்நாளும் – அவை

நீர்க் குமிழ்கள் போல நிமிஷத்தில் நையும்

உலையில் மெழுகுபோல் உருகுமே மெய்யும்

உந்தனின் ஜீவனைப் பிரிக்குமே வீயும் – உல

2. தீரம் புகழ் கீர்த்தி நாசம் – மற்றும்

சேயர், மனைவி சிநேகிதர் வேஷம்;

தாரணி முற்றுமே தவிர்த்திடல் மோசம்;

சார்ந்திடில் ஆன்மாவுக்கென்றுமே தோஷம் – உல

3. வானத்தின் கீழ் யாவும் பண்டு – சாலமோன்

மாயை என்றுரைத்ததை மறவாதே கண்டு;

இதய வுடைவோடு இயேசுவை அண்டு

இன்பலோக நித்திய பேரின்பம் உண்டு! – உல