துதி உமக்கே இயேசு நாதா

துதி உமக்கே இயேசு நாதா

வாழ்த்திடுவோம் உம்மையே

நித்தமும் காக்கும் உம் கிருபைகளையே

எண்ணியே துதித்திடுவோம்

1. ஆதி அந்தமில்லா அனாதி தேவனே

அடைக்க்கலாமாநீர் எமக்கு நீரே

மாறா விஸ்வாசத்தை எமக்குத் தந்தீரே

எண்ணியே துதித்திடுவோம் – துதி

2. கடந்த நாளெல்லாம் வழுவாமல்

காருண்யத்தாலே காத்தீரே

வல்ல தேவனே உம் வாக்குகளையே

எண்ணியே துதித்திடுவோம் – துதி

3. தாயினும் மேலாய் அன்புகூர்ந்தீர்

தந்தை போல் எமை சுமந்தீரே

ஜீவனைத் தந்த உம் அன்பினையே

எண்ணியே துதித்திடுவோம் – துதி

4. ஜெயம் பெற்றோராய் சேவை செய்து

ஜீவனை வைத்தே துதித்திடவே

நித்திய ஜீவனை எமக்குத் தந்தீரே

எண்ணியே துதித்திடுவோம் – துதி