திருச்சபை காத்திருக்க

1. திருச்சபை காத்திருக்க

எந்நாள், நாதா, வருவீர்?

எந்நாள் துக்க ரா முடிய

பகல் விடியச் செய்வீர்?

நெல் விளைந்து வாடிப்போக

அறுப்போரும் குறைந்தார்;

சாத்தான் கொள்ளை வைத்துக் கொள்ள

கிறிஸ்து வீணாயோ மாண்டார்?

2. சிஷ்டிக்கெல்லாம் உற்ற செய்தி

கோடாகோடி கேளாரே

யார்தான் கேட்பார் சொல்வார் இன்றி?

நாதா, வார்த்தை ஈயுமே;

வார்த்தை ஈயும் சுவிசேஷ

தொனி எங்கும் ஒலித்தும்,

எல்லாத் தேசத்தாரும் திவ்விய

மீட்பைக் கேட்க செய்திடும்

3. நீர் தெரிந்தோர் ஈறுகாலம்

ஒன்றாய் சேர்க்கப்படுவார்;

சாத்தான் கட்டப்பட்டுப் பாவம்

மாய, கிறிஸ்து ஆளுவார்;

பசி தாகம் நோவு சாவும்

கண்ணீர் யாவும் நீங்கவே

திருச்சபை காத்திருக்கும்

இயேசு ஸ்வாமி, வாருமே.