தீயன் ஆயினேன் ஐயா

தீயன் ஆயினேன் ஐயா எளியேன்

தீவினை அனைத்தும் தீரும்

தேவரீர் மேலே என் பாரம்

தீயன் ஆயினேன், ஐயா

அனுபல்லவி

மாயவலை வீசுவலை பேயின் வினைதீர

நேயமுடனே உறுசகாயனாய் எமக்கென்றிங்கு

நிச்சயித்தெழுந்த எங்கள்

அச்சயா, திருக்குமாரா – தீய

சரணங்கள்

1.நன்மை செய்யவே நான் நினைத்தாலும், என்

தன்மை வேறதாய்ப் பின்னம் ஆகுமே

என்ன என்தன் நீதி கந்தை

அன்ன அருவருப்பாமே

எத்தனை ஆனாலும் உன்தன்

சித்தம் வைத்தனுக்கிரகிப்பாய் – தீய

2.பாவமீறி என் ஆவி தள்ளாடி நற்

சீவ பாதையைத் தாவி ஓடியே

ஆவலாய் அழி வுறும் துர்ச்

சாவின் வழியே தொடர்ந்து

அக்கிரமச் செய்கைகளில்

சிக்கினேன் ஐயா, உன் தஞ்சம் – தீய

3.தீது செய்பவன் தேவன் முன்னே உத்ர

வாதியாய் உறு நீதம் உண்டென

போதம் உற வேத நெறி

ஓதிய ஏசு நாதா, உன்

புண்ணியத்தால் என்னை உய்யப்

பண்ணிடக் கிருபை செய்வாய் – தீய