தாவீதின் நகரத்திலே

தாவீதின் நகரத்திலே பெத்தலகேம் ஊரினிலே

சத்திரத்தை தேடி அலைந்தாரே – யோசேப்பு

மரியாளின் பேறு வலி உணர்ந்தாரே

1. அங்கும் இங்கும் தேடி அலைந்தும்

ஓரிடமும் கிடைக்கவில்லை

வழியிலே இயேசு பிறந்தாரே – முன்னணையின்

புல்லணையில் தான் தவழ்ந்தாரே

2. ஆட்டிடையர் ஆடுகளை

நள்ளிரவில் காத்திருக்க

வானில் தூதர் தோன்றி துதித்தாரே – தேவன்

மானிடனாய் பிறந்தார் என்றாரே

3. ஞானிகளும் நட்சத்திரத்தை

பின்தொடர்ந்தே வீட்டையடைந்து

பாலனை கண்டு பணிந்தாரே – பரிசாய்

காணிக்கை தந்து மகிழ்ந்தாரே

4. பாடல் கேட்கும் அன்பரே

பாசமுள்ள நண்பரே

இயேசுவுக்கு இடம் தருவீரா – உங்க

உள்ளத்தில் மீட்பினை பெற்றிடுவீரா

காலமும் சமீபமாகுதே – இந்த

தருணத்தை விட்டிடாமல் முடிவெடுப்பீரா