தருணமே பரம சரீரி எனை

எனைத் தாங்கி அருள், கருணைவாரி

பல்லவி

தருணமே, பரம சரீரி – எனைத்

தாங்கியருள் கருணை வாரி

அனுபல்லவி

உரிமை அடியார் அனுசாரி – உயர்

எருசலை நகர் அதிகாரி – அதி

சரணங்கள்

1. வரர் அடி தொழும் வெகு மானி – பரன்

மகிமை ஒளிர் தேவ சமானி

நரர் பிணை ஒரு பிரதானி – இயேசு

நாயகன் எனதெஜமான் நீ – அதி – தருணமே

2. ஆதாரம் உனை அன்றி யாரே? – எனை

அன்பாய்த் திருக்கண் கொண்டு பாரே;

பாதாரவிந்தம் கதிசேரே – இஸ்ரவேல்

பார்த்திபன் தாவீது வம்ச வேரே – அதி – தருணமே

3. நித்த நித்தமாக எந்தன் மேலே – வருவ

தெத்தனை துன்பங்கள் ஒருக்காலே;

அத்தனையும் நீக்குதற்குன் காலே – எனக்

குத்தம துணை தான் மனுவேலே – அதி – தருணமே

4. கங்குல் பகலும் துயரம், கோவே – வரும்

கலக்கம் ஒழித்தெனைத் தற்காகவே

பங்கெனக்குத் தந்த மெய் மன்னாவே – ஏழைப்

பாவியை இரட்சியும் இயேசு தேவே – அதி – தருணமே