தருணம் மழை ஈயும் நாதனே

தருணம் மழை ஈயும் நாதனே

சருவேசா அதி நேசா பவ நாசா ஈசா

1 தருணம் அருள் ஈசனே தவிக்கிறோம் மா ராஜனே

கிரணம் ஒளிர் உல்லாசனே கிலேசம் அகற்றும் நேசனே.

பூமி வறண்டு போனதே புற்கள் வாடல் ஆனதே

ஸ்வாமி நன் மழை ஊற்றுமே தாபம் அனைத்தும் மாற்றுமே

வெப்பம் மிகுந்த தையனே வேளை உதவாய் துய்யனே

எப்படியும் மழை பொழிந்தே இரக்கம் செய்வாய் மெய்யனே

ஜீவன் யாவும் மாளுதே தினமும் துயரம் நீளுதே

தேவே திருக்கண் பாருமே செழிக்க நல் மழை தாருமே

பஞ்சமே பறந்தோடவே பணிந்துனைக் கொண்டாடவே

கெஞ்சும் அடியர் கூடவே கிருபை அருள் நீடவே.

அல்லும்பகலும் அழுகிறோம் ஆற்றும் பரனே தொழுகிறோம்

பொல்லார் எனவே விழுகிறோம் பொழியும் மழையை எழுகிறோம்