தரி தாழ்மையே

தரி தாழ்மையே தெரிந்து வெறு

தாட்டிகமதை உரிந்து

சரணங்கள்

திரித்துவத் தொருவராம் கிறிஸ்தேசு

செயலதை நீ குறி மனமே – அவர்

தரித்திர னிகராய் இகத்தில் உற்பவமாய்த்

தாழ்ந்திருந்தார் அனுதினமே – தரி

மனத் தரித்திரர் தாம் பாக்கியர் எனவே

வாகுடன் அவர் உரைத்தாரே – நெஞ்சே

உனக்குள் இத்தகையான நற்குணமே

உண்டோ என்றாய்ந்து நீ பாரே – தரி

மேட்டிமை யுடையோர் மீது தற்பரனார்

வெறுப்படைந் தகற்றுவார் உடனே நல்ல

தாட்டிகமதிலாத் தாழ்ந்த சிந்தையினோர்

தமக்கருள் புரிகுவர் திடனே – தரி

ஆதியில் தூதர்களில் சிலர் கெர்வம்

அடைந்து நல் வாசமற்றாரே உடன்

தீதறு பேய்களால் எரிநகரில்

சேர்ந்ததி சாபமுற்றாரே – தரி