தாகம் மிகுந்தவரே

பல்லவி

தாகம் மிகுந்தவரே அமர்ந்த

தண்ணீரண்டை வாரும்- ஓ!

சரணங்கள்

1.ஏகன் நானுங்களையே அழைக்கும் என்தன்

இன்பவாக்குத்தத்தமே – நம்பி

வேகமாக ஓடி வாருமெனதிடம்

வேண்டியதைத் தருவேன். – ஓ!

2.காசுபணமது அற்றுலகந்தன்னில்

கஷ்டப்படுவோரே – விசு

வாசமாய் என்னிடம் வந்து விலையின்றி

வாங்கியே சாப்பிடுமே.- ஓ!

3.பாரச்சுமையோடு பாரில் வருத்தங்கள்

பட்டு உழல்வோரே – வாரும்

நேரே உமக்கிளைப்பாறுதலாவியை

நேசமாய்த் தந்திடுவேன்.- ஓ!

4.அப்பமல்லாத பொருளையும் திருப்தி

ஆகாத வஸ்துவையும் – நம்பித்

தப்பிதமாய்ப் பிரயாசத்தையும் பணம்

தன்னையுமேன் கெடுப்பீர்?- ஓ!

5.கர்த்தரைக் கண்டடையத்தக்க காலத்தில்

கண்டிடுமே உடனே – உந்தன்

அத்தன் சமீபமாக இருக்கும் போதே

ஆவலாய்க் கூப்பிடுமே.- ஓ!