சமயமிது நல்ல சமயம் உமதாவி

Verse

சமயமிது நல்ல சமயம் , உமதாவி

தரவேனுமே

அனுபல்லவி

அமையுஞ் சத்துவங்குன்றி,

அருள் ஞானத் துயிரின்றி ,

அமர்ந்து சேர்ந்தெழும்பா துறங்கிடும்

அடியன்மீ தணல்மூட்டி யுயிர் தர ,-

Verse

சரணங்கள்

யேசுகிறிஸ்துவின்மேல் நேசம் பத்தியும்விசு

வாசம் நம்பிக்கை சமாதானம் மங்கிடலாச்சே ,

வீசுங்கிரணத்தாவி நேசச்சுவாலை மூட்டி

மிஞ்சுஞ்சீவ நற்கனிகளீங்குமைக்

கெஞ்சுதாசனின் மனதிலோங்கிட -சம

Verse

ஜெபமோ தவமோ தேவதியானமோ வாஞ்சையோ

செய்யுஞ்சுயமுயற்சி தொய்யுங் காரணமேனோ?

தவனம் ஞானாமுதின் மேல் சற்றுமில்லாததேனோ?

தந்தையேயுயிர் தந்தெனைத் தாங்கிட

உந்தையையினுற் சாகநல்லாவியை, – சம

Verse

ஓதும் பிரசங்கமும் ஓசைக்கைத்தாளம்போல

ஒலிக்குதல்லாமல் பலன் பலிக்குதில்லை , தாக்குள்

ஏதுமற்றிடும் பள்ளத்தெலும்பு உயிர்த்தெழும்ப

எசேக்கியேலுரை வாக்கிலு யிரருள்

போக்கியே செய்த ஆவியே இங்ங்னம், – சம

Verse

பெந்தெகோஸ்தினில் கூடிவந்த சீடரையன்று

உந்தனாவியினைப் பொழிந்தபிஷேகஞ் செய்த

விந்தைபோலெமதிடம் வந்தெம் வேலைகள் முற்றும்

வேதனே உமதருளி னுயிர்பெறப்

பூதலர் உமைப் போற்ற நின் சேயராய்ப் , சம