சகல ஜனங்களே கைகொட்டி

சகல ஜனங்களே கைகொட்டி தேவனை

கெம்பீர சத்தத்தோடே ஆர்ப்பரித்திடுவோமே (2)

சரணங்கள்

1. உன்னதமானவராகிய கர்த்தர்

எந்நாளும் அதிசயமானவராமே

மண்ணெங்கும் மகத்துவமான ராஜாவாம்

மகிழ்ந்து போற்றிடுவோம் – சகல

2. போற்றி போற்றி பாடிடுவோமே

தேற்றி நம்மைக் காத்திடும் தேவனை

ஆற்றிடுவாரே ஆவிதனையே

சாற்றிடுவோம் துதியை – சகல

3. தேவாதி தேவன் ஆர்ப்பரிப்போடும்

கர்த்தாதி கர்த்தன் எக்காளத்தோடும்

பிரதான தூதனுடைய சத்தத்தோடும்

எழுந்தருளி வருவார் – சகல

4. கர்த்தருக்குள் மரித்தோர் முதலுயிர்த்திடுவார்

சத்தியத்தில் நிற்போர் மறுரூபமடைவார்

விரைவில் இயேசு வேகமே வருவார்

சந்திக்க ஆயத்தமா? – சகல

5. அநேக ஸ்தலங்கள் அங்கேயும் உண்டு

அதில் ஒன்று நமக்காய் ஆயத்தம்பண்ணி

அழைக்கவே வருவார் அனுதினம் நாமும்

அல்லேலூயா பாடுவோம் – சகல