இரட்சிப்பைக் கொண்டு

1. இரட்சிப்பைக் கொண்டு

உச்சிதப் பட்டணம்

பட்சமுடன் செல்லுவோம் – அங்கே

பரலோகப் பங்கை பங்கிட்டுக் கொள்வோம்

பரமனுதவியாலே -இர

2. உலகத்தின் வாழ்வை

பொய்யென்று விட்டு

பரமன் பதத்தைத் தொட்டு – என் ஐயா

பாக்கியம் பெற்றேன்; பாவத்தை விட்டேன்

பரிசுத்தன் பலத்தாலே -இர

3. மறையோனை வெறுத்து

பாவத்தைத் தொடுத்து

மாய வலையிலுட்பட்டு – என் ஐயா

மயங்கித் திரிந்தேன், மருள விழுந்தேன்

மன்னித்துக் கொண்டாரே -இர

4. பாவத்தைச் செய்து

காலத்தைக் கழித்தால்

சாபத்துள்ளாவீரே! – என் ஐயா

பாவத்தின் சம்பளம் மரண மென்றறிந்து

பற்றிடும் ஜீவன் இன்று! -இர

5. இயேசுவின் அழைப்பை

காதினாற் கேட்டும்

கடினமானாலுள்ளம் – பாவி

தப்புவாயோ நீ? தண்டனை அடைவாய்!

தற்பரன் கரத்தாலே -இர