இரட்சண்ய வீரரே இரட்சண்ய வீரரே

பல்லவி

இரட்சண்ய வீரரே – இரட்சண்ய வீரரே

இரட்சண்ய சேனை வீரரே – அல்லேலூயா

இரட்சகரைப் போற்றுவோம்

இன்பக் கீதம் பாடுவோம்

நூற்றாண்டு கொண்டாடுவோம்

சரணங்கள்

1.மேய்ப்பன் ஆடு போல் – முன்னோர்

வழிதப்பிக் கெட்டலைந்தார்

அன்பின் குரலாலே – அந்த நாளிலழைத்து

அன்பு காட்டி – அன்னமூட்டி

ஆதரித்தாரே

2. நூற்றாண்டுகளுக்கு முன்னே – நம்

முன்னோர்களனுபவித்த

பொல்லாக் கொடுமையை – போராடிப் போக்கிட

சேனை தளகர்த்தனாக

பூத் டக்கர் வந்தார்

3.பேய் பிசாசை தெய்வமென்று – நம்பி

ஆடு கோழி பலி செலுத்தி

மதியைக் கெடுத்திடும் மதுபானமருந்தி

சேற்றிலே புரண்டவரை

தூக்கி இரட்சித்தார்

4.எண்ணெழுத் தறியாதோர்களின்

கண்களைத் திறக்க வந்தார்

ஆடை அனைவருக்கும், அன்புடனுடுத்தி

ஊணுடை, உறைவிடம்

தந்திட வந்தார்