ராஜாதி ராஜன் இவர் தான்

ராஜாதி ராஜன் இவர் தான்

புவி வந்தாழும் மன்னன் இவர் தான் (2)

மண் மீது சாபத்தை தீர்த்திடவே

மாசற்ற ஜோதியாய் வந்துதித்த

மன்னாதி மன்னவனை வணங்கிடுவோம் – ராஜாதி

1) கர்த்தாதி கர்த்தனே. இளம் தளிரே

வந்தனம் வந்தனமே

சர்வேச நாதனே சர்குணனே

சுந்தர நாயகனே

உள்ளம் தேற்றிடும் உண்மை நேசனே

இறைமகன் இயேசுவே

மனுக்குலம் போற்றும் மகிமையின் நாதன்

உம் பாதம் பணிந்திடுவோம் – ராஜாதி

2) அருள்நேசர் வரவால் அகமகிழ்வோம்

அன்புடன் உள்ளத்திலே

அதிகாலைப் பொழுதில் தொழுதிடவே

ஆலயம் சென்றிடுவோம்

வானில் பறவைகள் கானம் பாடிட

வீணையின் ராகமே

பனித்துளி மின்னும் மலர்களின் வாசம்

இல்லத்தில் புதுமணமே – ராஜாதி