புகழ்வோம் புகழ்வோம்

1. புகழ்வோம் புகழ்வோம் – தினம் புகழ்ந்திடுவோம்

புண்ய நாதராம் இயேசுவையே – இந்த

பாரதத்தில் இரட்சண்ய சேனையார் – செய்த

பார் புகழ் சேவைகட்காய்

பல்லவி

அல்லேலூயா பாடி, சேனைக் கொடியுயர்த்தி

அன்பர் இயேசுவின் வீரர்களாய்

அவனியெங்கிலும் பவனி வருவோம்

அவர் செய்தியை உரைத்திடுவோம்

2. பாவத்திற்கடிமை ஆயிருந்த நாமும்

பரலோகினில் சேர்ந்திடவே

பரிசுத்தாவியால் எழுந்த சேனையார் – தம்மை

பலியாய் படைத்தனரே – அல்லேலூயா

3. தீண்டாமை நோயால், நாம் திண்டாடிய நேரம்

தீயோர் மத்தியில் நீதிக்கேட்டார்

தீச்சுடர் வீசிடும், மெழுகுவர்த்திப்போல்

தீய இருள் நீங்க தியாகமானார் – அல்லேலூயா

4. ஆன்ம சரீரக்கண்களைத் திறந்திட

ஆண்டுகள் நூறாய்ப் பணிபுரிந்த

ஆண்டவர் சேனைக்கு இரட்சண்ய சேனைக்கு

ஆனந்தமாக நன்றி சொல்வோம் – அல்லேலூயா