பிறந்தார் இயேசு நமக்காய்

1. பிறந்தார் இயேசு நமக்காய் இரட்சகராக

பிறந்தார் இயேசு நமக்காய்

நம்மை இரட்சித்திடவே இரட்சகரான தேவன் - 2

பெத்லகேம் ஊரதிலே ஏழைப் பிள்ளையாகவே

2. பரலோகின் மகிமை விட்டு இப்பூவுலகில்

பரலோகின் தேவன் பிறந்தார்

மாட்டுத் தொழுவம் தனில் மனுஷனாய் அவதரித்தார் - 2

மகா மகிமையின் தேவனாம் நம் கர்த்தர்

3. உன்னதத்தின் தேவனுக்கு மகிமையும்,

பூமியில் சமாதானமும்

மனுஷர்மேல் பிரியமும் உண்டாவதாக என்று -2

தேவதூதர் தேவனைத் துதித்துப் பாடினர்

4. மாட்டின் முன்னணைதனிலே கந்தைத்துணிகள்

சுற்றப்பட்டவராக

மாடி வீடுகளுடைய மகா மகிபர் - 2

மந்தை மேய்ப்பர்கள் மகிழ்ந்திடக் காட்சி தந்தார்

5. தம் சிங்காசனத்தையும் கிரீடங்களையும்

ஆளுகையும் துறந்து

நம்மோடிருந்திடவே இம்மானுவேலராக - 2

கிறிஸ்து இயேசு நாதர் இவ் உலகில் பிறந்தார்

6. அதிகாரம் ஐசுவரியம் கனம் உயர்வும்

மகிமை மகத்துவமும்

அழகு சவுந்தரியம் யாவையும் விட்டுவிட்டு - 2

அடிமையாய் அவதரித்தார் நமது அன்பின் தேவன் - பிறந்தார்

7. கிழக்கிலுள்ள சாஸ்திரிகள் விந்தையான

ஓர் நட்சத்திரத்தைக் கண்டு

கிறிஸ்து பிறந்தார் என்று திட்டமாய்த் தாம் அறிந்து - 2

கிறிஸ்துவைப் பணிந்துகொள்ள கால்நடையாய்ச் சென்றனர்

8. சாஸ்திரிகள் சாஷ்டாங்கமாய் விழுந்து பிள்ளையாம்

இயேசுவை தொழுது கொண்டு

பொன்னும் தூபவர்க்கமும் வெள்ளைப்போளம் - 2

மிகப் பணிந்து காணிக்கையாக வைத்து வந்தனர்

9. ராஜாவும் தேவனுமான கிறிஸ்து

பாடுபட்டு மரித்து

அடக்கம் பண்ணப்படுவார் என்று தாம் முன்னறிந்து - 2

பொன் தூபவர்க்கம் வெள்ளைப்போளம் வைத்தனர்

10. சுகம் பெலம் ஆறுதல் சமாதானம்

சந்தோஷம் யாவும் பெற்று

பரிசுத்தத்தோடு நாம் பரலோக பாக்கியம் பெற - 2

நம் பாவ துக்கங்களைத் தாமே சுமக்கப் பிறந்தார்

11. எல்லோரும் எப்போதும் என்றென்றும்

களிகூர்ந்தானந்தித்து

சதாகாலமும் மிக சந்தோஷமாய் வாழவும் - 2

சந்தோஷத்தின் நற்செய்தியோடு தாமே பிறந்தார்