பயப்படாதே

பயப்படாதே பயப்படாதே

மகிமையின் தேவன் இயேசு நம்முடனே

அற்புதர் அவர் பெரியவர்

பெரும் காரியங்கள் செய்பவர்

... அல்லேலூயா... அல்லேலூயா

வானத்து பறவையை கவனித்து பாருங்கள் - அவை

விதைப்பதும் அறுப்பதும் சேர்ப்பதுமில்லையே

அவைகளை வாழவைக்கும் தேவன் - நம்மை

கண்ணின் மணிபோல் காப்பது நிச்சயமே

கேளுங்கள் அப்போது நிறைவாய் கொடுக்கப்படும் - தினம்

தேடுங்கள் அப்போது கண்டடைவீர்களே

தட்டுங்கள் அப்போது திறக்கப்படும் - எல்லா

ஆசீர்பெறுவோம் இயேசுவின் நாமத்தினால்

கர்ஜிக்கும் சிங்கம்போல் சாத்தான் சூழ்ந்தாலும் - யாரை

விழுங்கலாம் என்று சுற்றி திரிந்தாலும்

கலங்காமல் துணிவுடன் நில்லுவோம் - நம்

கர்த்தர் நமக்காய் யுத்தம் செய்திடுவார்