நான் வணங்கும் தெய்வம்

நான் வணங்கும் தெய்வம்

அவர் இயேசு என்னும் நாமமுள்ள ஒருவரே

அவர் என்னை நினைத்த தெய்வம்

என்னை கண்ணுக்கு கண்ணாய் காத்திடும் என் நேசரே

வானத்தையும் பூமியையும் உண்டாக்கி வைத்தவராம்

இருளையும் வெளிச்சத்தையும் இரண்டாகப் பிரித்தவராம்-2

எந்த துதிகளுக்கும் ஸ்தோத்திரத்திற்கும் பாத்திரர்..

ஆதாமின் மீறுதலால் நானும் காயம் பட்டேன்

என்னுடைய மீறுதலால் எந்தன் இயேசு காயம் பட்டார்;-2

(என்ன சொல்லிப்பாடுவேன்-நான் என்ன சொல்லிப்பாடுவேன்)

எந்தனுக்கு சமாதானம் உண்டு பண்ணவே

எந்தனது ஆக்கினை அவர்மேலே வந்ததே-2

என் இயேசு ராஜாவின் தழும்புகளால் மட்டுமே

என் நோயும் குணமாகி தேவ சுகம் கிட்டுமே-2

என்னுடைய பாடுகளை ஏற்றுக்கொண்டவராய்

என்னுடைய துக்கங்களைச் சுமந்து கொண்ட தேவனவர்-2

(என்ன சொல்லிப்பாடுவேன்-நான் என்ன சொல்லிப்பாடுவேன்)

நிந்தைகளும் அவமானமும் அவரைச் சூழ்ந்ததே

எந்தனுக்காய் அத்தனையும் தாங்க நேர்ந்ததே-2

துளிர்க்கிற வேரைப்போல எழும்பின என் இயேசுவின்

விரும்பின ரூபம் மாறி அழகு முகம் சிதைந்ததே-2

சர்வத்திற்கும் மேலான சர்வவல்ல தேவனவர்

சர்வ லோக பாவத்தையும் சுமந்து தீர்த்த இயேசு அவர்-2

(என்ன சொல்லிப்பாடுவேன்-நான் என்ன சொல்லிப்பாடுவேன்)

எண்ணாமற்போன என்னை எண்ணிப்பார்த்தவர்

காணாமற்போன என்னை கண்டு பிடித்தவர்-2

காணக்கூடாதவரை கண்கள் இன்று கண்டதே

சேரக்கூடாதவரை சேர மனம் துடிக்குதே-2