குருசினில் கிறிஸ்துவின்

குருசினில் கிறிஸ்துவின் இரத்தம்

சிந்தப்படும் கோரக் காட்சியைப் பார்

பாதகர்க்காகப் பாடுபடும் வேளைதனில் - 2

புது உடன்படிக்கையின் இரத்தம்

பாவ மன்னிப்புக்காய்ச் சிந்தினாரே - 2

பாவிகளின் நேசர் இயேசு தாமே - 2

கெத்செமனே இல் கிறிஸ்து இயேசு

இரத்தமதைப் பெருந்துளிகளாகச் - 2

சிந்தினாரே சீர்கெட்ட பாவிகட்காய் - 2

தீயர் தாடை ரோமம் பிடுங்கும் வேளை

தூயர் தம் தூய முகத்தினின்று - 2

தூய்மையான இரத்தமதைத் தாம் சிந்தினார் - 2

வாரினால் அடித்துப் படைச்சால்போல்

திரு சரீரம் கீறிக் கிழியும் வேளை - 2

கர்த்தர் தாமே திரு இரத்தம் தாம் சிந்தினார் - 2

முள்முடி சூட்டியே சிரசினில்

மூங்கில் தடியால் அடிக்கும் வேளை - 2

மீட்பர் இயேசு திரு இரத்தம் தாம் சிந்தினார் - 2

திருப்பரங் கால்கள் ஆணிகளால்

சிலுவையுடன் சேர்த்து அறையும் வேளை - 2

திரு இரத்தம் பீறிட்டுப் பாய்ந்தோடியது - 2

குருசினில் தொங்கும் கிறிஸ்துவின்

விலாவினில் ஈட்டியால் குத்தும் வேளை - 2

மீந்த இரத்தமதை முழுதுமாகத் தாம் சிந்தினார் - 2

ஜீவ இரத்தமதைப் பானம் செய்வோர்

நிலைத்து என்றென்றும் ஜீவனோடு- 2

சதாகாலமும் கிறிஸ்துவுடன் பிழைத்திருப்பார் - 2