கல்வாரியிலே என் இயேசு

கல்வாரியிலே என் இயேசு தேவா

சிலுவை சுமந்து சென்றீரே

எந்தன் பாவம் போக்கிடவே - 2

வேர்வையின் குருதி துளியாக

வேதனை பெருகிட சென்றீரே - 2

பாத்திரம் நீங்கிட சித்தம் ஐயா

படைக்கிறேன் என்றே ஜெபித்தீரே - 1

கொல்கொதா மலையின் மேட்டினிலே

கொடிய பாடுகள் சுமந்தீரே - 2

கல்லும் முள்ளும் வருத்தவே

கர்த்தர் நடந்து சென்றீரே - 1

தூங்கிடா இரவு முழுவதுமே

துஷ்டர்கள் முன்னால் நின்றீரே - 2

துப்பிட சாட்டையால் அடிப்பட

குற்றமும் சுமத்திடப்பட்டிரே - 1