ஆ ஆயிரம் ஆயிரமாம் பொன் வெள்ளிகளை

ஆ ஆயிரம் ஆயிரமாம் பொன் வெள்ளிகளைப் பார்க்கிலும்

கர்த்தர் வேதம் எனக்கு நலம்

1. உம் வேதத்திலுள்ள அதிசயங்கள் - யான்

காணும்படி கண்கள் திறந்தீரே - உம்

வேதத்தை விட்டு விலகிடாமல் எப்போதும்

உம்மோடு ஒன்றாய் வாழ

2. கர்த்தரின் வேதம் என் மகிழ்ச்சியும் - அவர்

வசனம் எனக்கு வெளிச்சமும் என்

கால்களுக்கு நல்ல தீபமுமாகவே தானே

எப்போதும் இருக்கிறது

3. கர்த்தரின் வேதத்தை நேசிப்போர் - மிக

சமாதானமாகவே வாழ்கின்றனர் அவர்

வேதத்தின்படியே தான் நடக்கின்றவர்கள்

உத்தமமானவர்கள்

4. கர்த்தரின் வேதம் சத்தியம்- அவர்

வசனம் என்றும் நிலைத்திருக்கும் வானம்

பூமி யாவும் அழிந்து ஒழிந்து போகும்

கர்த்தர் வார்த்தை ஒழிவதில்லை

5. பொன்னிலும் மிகுந்த பசும் பொன்னிலும் - வேதம்

மிகவும் விரும்பப்படத்தக்கது - நல்ல

தேனிலும் தேன் கூட்டில் இருந்து ஒழுகும்

தெளி தேனிலும் இனியது

6. ஆத்துமாவை வேதம் உயிர்ப்பிக்கும் - இந்த

சரீரத்தையும் புதுப்பிக்கும் - கர்த்தரின்

சத்திய வேதத்தில் எவ்விதக் குறைவும்

எவ்விதக் கேடும் இல்லை

7. கர்த்தர் அருளிய புஸ்தகமே - இந்தப்

பரிசுத்த வேத புஸ்தகம் -மனு

மக்களின் மகிமையான மீட்புக்காகத்தானே

ஈவாகத் தேவன் ஈந்தார்