பாவியாம் எனை மேவிப்பார்

1. பாவியாம் எனை மேவிப்பார் ஐயா யேசுநாதா ஸ்வாமி

பட்சமாக என் பாவந்தீர் ஐயா.

2. தேவத்ரோகி பாவி நான் அன்றோ – யேசுநாதா ஸ்வாமி

சீர்பதம் துணையன்றி வேறுண்டோ?

3. தீவினையுறு சாவு மேவிற்றே – யேசுநாதா ஸ்வாமி

சித்தம் வைத்திரட்சித்தாள் ஏழையே.

4. சஞ்சல மிகுந்தஞ்சல் ஆயினேன் – யேசுநாதா ஸ்வாமி

தங்கும் உனை விட்டெங்கே ஏகுவேன்?

5. மனது வாக்கு வினைகளில் எல்லாம் – யேசுநாதா ஸ்வாமி

மாசுளோனாய்க் கூசினேன் ஐயா.

6. என்தன் நீதி ஓர் கந்தை அல்லவோ – யேசுநாதா ஸ்வாமி

என்செய்வேன்? மறு தஞ்சம் இல்லையே.

7. அலகையோடெனை உலகம் ஏய்க்குமே – யேசுநாதா ஸ்வாமி

ஆதரவில்லை பாதுகா ஐயா.

8. மன்னுயிர்க் கெனத் தன்னுயிர் விட்ட – யேசுநாதா ஸ்வாமி

வந்தெனது நிர்ப்பந்தம் பார் ஐயா.