பாவி மயக்கங் கொண்டிராதே

பல்லவி

பாவி! மயக்கங் கொண்டிராதே

பல மாயையினாலே

சரணங்கள்

1. தினமும் பரனடி மகிழ்ந்து நீ போற்று;

சித்தப்படி யலையும் மனதையே மாற்று;

சினமுள்ள கோபத்தை நெறியுடன் ஆற்று

சேதமில்லாத வழி அறிந்து நீ சொல்லு – பாவி

2. சத்திய வழியினிற் சார்பதாய் நில்லு

சர்ப்பனை இன்னதென்று திடம் பண்ணிக் கொள்ளு

புத்திமதிகளைப் பிறருக்குச் சொல்லு

பேயின் மா தந்திரத்தை அறிந்து நீ வெல்லு – பாவி

3. உலகத்தின் வாழ்வுகள் நெடுநாள் நில்லாதே

உண்மை தவறினவனிடத்தில் செல்லாதே

எவரையும் தந்திரத்தால் மோசம் பண்ணாதே

இரட்சகர் புத்திதனை இகழ்ந்து தள்ளாதே – பாவி

4. மூடனுக்கறிவுதான் உரைத்தால் வெல்லாதே

மூர்க்கன் வெறியனென்று பேரெடுக்காதே

தேடாத் திரவியத்தைத் திருடிக்கொள்ளாதே

தேவனுரை மறந்தால் சிட்சை பொல்லாதே – பாவி