பாவம் போக்கும் ஜீவநதியைப்

பாவம் போக்கும் ஜீவநதியைப்

பாரீர் வந்து பாரீர் – பாரில்

தீவினை தீர்க்கும் தேவமறியின்

திருரத்த மிந்த ஆறாம் – பாரில்

கல்வாரி மலைச்சிகர மீதூற்றுக்

கண்கள் ஐந்து திறந்தே – அதோ

மல்கிச் சிலுவை யடியில் விழுந்து

வழிந்தோடுது பாரீர் – பாரில்

பாவச்சுமையால் நொந்து சோர்ந்து

பதறி விழுந் தலறி – நிதம்

கூவியழுத அனந்தம் பேரிதில்

குளித்தே யுளங் களித்தார் – பாரில்

பத்தருளத்தி லிடைவிடாமல்

பாய்ந்து வளமீந்து – அதை

நித்தமும் பரிசுத்த குணத்தில்

நிலைநாட்டுது பாரீர் – பாரில்

ஒருதர இந்த ந்தியின் தீர்த்தம்

உண்டோ ஜீவன் கண்டோர் – தாகம்

அறுதி யடைவர் வேறொருதிநதிக்

கலையார் தேடி யலையார் – பாரில்

நித்தியந்தனில் கலந்துறையுஞ் செந்

நீரார் நிதியிதிலே – தங்கள்

வஸ்திரந் தோய்த்த சுத்தர் சபையில்

வாழ்ந்துகீதம் பாட – பாரில்