பாவ இதயம் மாற்ற இப்போ

பாவ இதயம் மாற்ற இப்போ – Paava Idhayam Maattra Ippo

பல்லவி

பாவ இதயம் மாற்ற இப்போ -

தாவும்! இரட்சகர்!

இவர் பாதம் தேடுமேன்

சரணங்கள்

1. எரியும் விளக்கைச் சுற்றியாடும்

சிறிய ஜந்தைப் போல – ஓர்

பெரிய வீம்பனாய் – ஆம்

திரியும் கோபியே! – பாவ

2. உலக டம்பம், உலக ஞானம்

உலகக் கல்வியாம் – இவ்

வலையில் சிக்கியே – ஓ

அலையும் பாவியே! – பாவ

3. அன்பாய் காக்கும் அப்பனாரை

அற்பமா யெண்ணும் – ஓ

சொற்ப ஞானியே – ஐயோ

தப்புவாயோ நீ! – பாவ

4. ஓட்டமாகப் பாய்ந்து வடியும்

ஆற்றின் ஜலத்தைப் போல – பாவி

நாட்கள் ஓடுதே – உன்

மீட்பின் நாளிதே! – பாவ

5. விருத்தன, வாலிபன், பிள்ளை என்று

ஒருக்காலும் பாரான் – என் நாள்

அறுக்க வல்லவன் – உன்

செருக்கைக் குலைப்பானே! – பாவ

6. வீடு, செல்வம், மாதா, பிதா

நாடு நகரமும் – விட்டுக்

காடு சேரவே – உன்

பாடை கூவுதே! – பாவ