பாடித் துதி மனமே பரனைக் கொண்டாடித்

பாடித் துதி மனமே; பரனைக் கொண்டாடித்

துதி தினமே.

நீடித்த காலமதாகப் பரன் எமை

நேசித்த பட்சத்தை வாசித்து வாசித்துப் — பாடி

1. தீர்க்கதரிசிகளைக் கொண்டு முன்னுறச்

செப்பின தேவபரன் இந்த காலத்தில்

மார்க்கமதாகக் குமாரனைக் கொண்டு

விளக்கின அன்பை விழைந்து தியானித்துப் — பாடி

2. சொந்த ஜனமாக யூதர் இருந்திட

தொலையில் கிடந்த புறமாந்தரம் எமை

மந்தையில் சேர்த்து பராபரன் தம்முடை

மைந்தர்களாக்கின சந்தோஷத்துக்காகப் — பாடி

3. எத்தனை தீர்க்கர், அநேக அப்போஸ்தலர்,

எத்தனை போதகர்கள், இரத்தச் சாட்சிகள்,

எத்தனை வேண்டுமோ அத்தனையும் தந்திங்-கு

இத்தனையாய்க் கிருபை வைத்த நம் கர்த்தனைப் — பாடி