பாலரே ஓர் நேசர்

1. பாலரே ஓர் நேசர் உண்டு

விண் மோட்ச வீட்டிலே

நீங்கா இந்நேசர் அன்பு

ஓர் நாளும் குன்றாதே;

உற்றாரின் நேசம் யாவும்

நாள் செல்ல மாறினும்,

இவ்வன்பர் திவ்விய நேசம்

மாறாமல் நிலைக்கும்.

2. பாலரே, ஓர் வீடு உண்டு

விண் மோட்ச நாட்டிலே

பேர் வாழ்வுண்டாக இயேசு

அங்கரசாள்வாரே;

ஒப்பற்ற அந்த வீட்டை

நாம் நாட வேண்டாமோ?

அங்குள்ளோர் இன்ப வாழ்வில்

ஓர் தாழ்ச்சிதானுண்டோ?

3. பாலரே ஓர் கிரீடம் உண்டு

விண் மோட்ச வீட்டில் நீர்

நல் மீட்பரின் பேரன்பால்

பொற் கிரீடம் அணிவீர்;

இப்போது மீட்பைப் பெற்று

மா நேசர் பின்சென்றார்,

இவ்வாடா ஜீவ கிரீடம்

அப்போது சூடுவார்.

4. பாலரே, ஓர் கீதம் உண்டு

விண் மோட்ச வீட்டிலே;

மா ஜெய கீதம் பாட

ஓர் வீணையும் உண்டே ;

அந்நாட்டின் இன்பம் எல்லாம்

நம் மீட்பர்க்குரிமை,

நீர் அவரிடம் வாரும்,

ஈவார் அவ்வின்பத்தை.