பாலர் நேசனே மிகப் பரிவு

பாலர் நேசனே மிகப் பரிவுகூர்ந்திந்தப்

பாலரே யேந்தி ஆசிர்வதியும் யேசுவே

சரணங்கள்

பாலர் வந்திடத் தடை பண்ணாதென்றீர்

சாலவந்தருள் தந்து தலைமேற் கைவைப்பீர் – பாலர்

வானராச்சியம் இவர் வசத்த தென்றீரே

ஞானஸ்நானத்தால் உந்தம் நாமஞ்சூட்டுவீர் – பாலர்

கானம் பாடியே பாலர் கர்த்தரே உமைத்

தானே ஓசன்னா எனச் சத்தமிட்டாரே – பாலர்

தேவ பாலனே நீருஞ் சிறிய பிள்ளையாய்

மேவினீரதால் உமை வேண்டினோ மையா – பாலர்

ஆவியா லிவர் ஞான அபிஷேகம் பெற

ஜீவ நேசரே அருள் சிறியர்க் கீவீரே – பாலர்

தாசர் நாங்கள் செய் வாக்குத் தத்தம் மீறாமல்

நேச யேசுவே யெமை நிலைநிறுத்துவீர் – பாலர்