ஒரு மருந்தரும் குருமருந்து

ஒரு மருந்தரும் குருமருந்-(து)

உம்பரத்தில் நான் கண்டேனே.

அருள் மருந்துடன் ஆனந்த மருந்து,

ஆதியிற்றனாய் முளைத்த மருந்து,

வரும் வினைகளை மாற்றும் மருந்து,

வறுமையுள்ளோர்க்கே வாய்த்த மருந்து. — ஒரு

1. சிங்கார வனத்தில் செழித்த மருந்து,

ஜீவதரு மீதில் படர்ந்த மருந்து,

அங்குவிளை பவம் மாற்றும் மருந்து,

வல்ல சர்ப்ப விஷம் மாய்த்த மருந்து — ஒரு

2. மோசே முதல் முன்னோர் காணா மருந்து,

மோட்ச மகிமையைக் காட்டும் மருந்து,

தேசத்தோர் பிணியைத் தீர்த்த மருந்து,

தீர்க்கதரிசிகள் செப்பிய மருந்து — ஒரு

3. தீராத குஷ்டத்தைத் தீர்த்த மருந்து,

செவிடு குருடூமை தின்ற மருந்து,

மானா திருத்துவ மான மருந்து,

மனுவாய் உலகினில் வந்த மருந்து. — ஒரு

4. செத்தோரை உயிரோ டெழுப்பும் மருந்து,

ஜீவன் தவறா தருளும் மருந்து,

பத்தரைச் சுத்திகரித்திடும் மருந்து,

பரம வாழ்வினில் சேர்க்கும் மருந்து. — ஒரு