ஓலைக் கரங்களில் ஓசன்னா

ஓலைக் கரங்களில் ஓசன்னா

சாலை நெடுகிலும் ஓசன்னா

தாவீதின் மகனே ஓசன்னா

உன்னதம் தனிலே ஓசானா

மீட்பரை ஊருக்குள் அழைத்திடுங்கள்

பாதையில் ஆடைகள் விரித்திடுங்கள்

விடியல் வேந்தனை வரவிடுங்கள்

வாழ்வை நமக்குத் தரவிடுங்கள்

அடிமை நிலையை மாற்றப் பிறந்த

அன்பின் அரசர் இவர் தானோ ?

எளிமை நிலையை தோளில் சுமந்த

விண்ணின் மகனும் இவர் தானோ ?

மரியின் மகனாய் பிறந்தாரோ

மறியின் முதுகில் இருந்தாரோ

மனிதம் சுமந்து திரிந்தாரோ

மரணம் வருதல் அறிந்தாரோ

ஒலிவக் கிளைகள் ஒலிக்கச் செய்து

அரசின் அரசை வரவேற்போம்

எபிரே யத்துச் சிறுவர் போலே

குருத்து ஓலைகள் அசைத்திடுவோம்

இருளில் ஒளியாய் நடந்தாரோ

எங்கும் ஒளியா திருந்தாரோ

விண்ணின் வாழ்வைத் துறந்தாரோ

பாவம் மறையத் தெரிந்தாரோ