நினைவு கூரும் தெய்வமே நன்றி

நினைவு கூரும் தெய்வமே நன்றி

நிம்மதி தருபவரே நன்றி

நன்றி இயேசு ராஜா

நோவாவை நினைவு கூர்ந்ததால்

பெருங்காற்று வீசச் செய்தீரே – அன்று

தண்ணீர் வற்றியதைய்யா

விடுதலையும் வந்ததைய்யா

ஆபிரகாமை நினைவு கூர்ந்ததால்

லோத்துவைக் காப்பாற்றினீரே

எங்களையும் நினைவு கூர்ந்து

எங்கள் சொந்தங்களை இரட்சியுமைய்யா

அன்னாளை நினைவு கூர்ந்ததால்

ஆண்குழந்தை பெற்றெடுத்தாளே

மலட்டு வாழ்க்கையெல்லாம் (நீர்)

மாற்றுகிறீர் நன்றி ஐயா – எங்கள்

கொர்நெலியு தான தர்மங்கள் – ஒரு

தூதனைக் கொண்டு வந்தது

குடும்பத்தையும் நண்பர்களையும்

இரட்சித்து அபிஷேகித்தீரே – அவன்

ராகேலை நினைவு கூர்ந்ததால்

யோசேப்பை பரிசாய் தந்தீரே

இன்னுமொரு மகனைத் தருவீர்

என்று சொல்லி துதிக்கச் செய்தீரே

எக்காளம் ஊதும் போதெல்லாம்

எங்களை நினைக்கின்றீர்

எதிரிகளின் கையிலிருந்து

இரட்சித்துக் காப்பாற்றுகிறீர்