நீயே நிலை

பல்லவி

நீயே நிலை, உனதருள் புரிவாயே,-ஏசு

சரணங்கள்

1.தூய அர்ச்சயர்கள் சூழ சீமோன் மாமலையில் ஆளும்

சுந்தரக் கிருபை வாரியே, மைந்தர் கட்கனுசாரியே

சோபன ஜீவி மகிமைப்ர தாப அரூபி சொரூபி

ஜோதி ஆதிநீதி ஓதி சுயவல்லமையில் நரர் திருஉரு என – நீயே

2.நன்மைநிறை வாகரமே ஞானப் பிரபாகரமே

வன்மைத் தர்ம சாகரமே, வான சுரர் சேகரமே

மகிமை வந்தனமே, அடியார் துதிகள் தந்தனமே, கனமே

வாச நேச ஏசு ராஜ மனுடர்களுடகதி தின அருச்சனை துதி – நீயே

3.வானும் இகமும் படைத்த, வலுசர்ப்பம் வினை துடைத்த

ஞான நன்மைகள் உடைத்த, நரர்க்குக் கிருபை கிடைத்த

நய கிருபாலி உலகின் பவம் அறுமூலி செங்கோலி

நாடி,நீடி,தேடி,கூடி,நயம் அருள் அரசன் நீ தயவுடன் பரிசினி – நீயே