நீதியாமோ நீர் சொல்லும்

நீதியாமோ நீர் சொல்லும் ஓய்

நெறியுளோரே அறம் செய்யாதிருந்திடில்

சரணங்கள்

ஆதுலர்க் கீவதே பாக்கியம் பிறரை

ஆதரித்திடுவதே யோக்கியம் ஓகோ

பாதகம் செய்யில் நிர்ப்பாக்கியம் மோட்ச

பாதை நடக்கில் சிலாக்யம் – நீதி

தரித்திரக் கிரங்குவோன் உடனே இடுவான்

தற்பரனுக் கவன் கடனே என்று

கருத்துடன் கருதியில் திடனே உரைத்தார்

கடுநெஞ் சகல் மானிடனே – நீதி

அன்புடன் விதவையும் போட்ட காசை

அதி வியப்பாய் யேசு காட்டப் புகழ்

இன்புடன் அவள் மிசை சூட்ட அதை

எவர்களும் அகத்தினில் நாட்ட – நீதி

பிறர் புகழும்படி இன்றே செய்தால்

பிரயோசனமிலை என்றே பரன்

மறையதில் விளம்பினார் நன்றே அம்

மாதிரி விலகாது நின்றே – நீதி

பரிதானம் வாங்குதல் தீது – அதைப்

பறித்தறம் செய்தல் தகாது உமக்

குரியதில் ஈவேது போதம் இதில்

ஊன்றி இருப்பதே நீதம் – நீதி

ஏழைகட் கீயாது ஆஸ்தி ஐயே

ஈண்டு சேர்ந்திடில் என்ன கீர்த்தி இதோ

வாழுல கடைந்திடில் நேர்த்தி என்றும்

வாழலாம் அதுவே மா பூர்த்தி – நீதி