நான் உம்மை உறுதியாக

நான் உம்மை உறுதியாக

என்றென்றும் பற்றிடுவேன்

சமாதானம் பூரணமாய்

அளித்து என்றும் நடத்திடுவீர்

1. என் ஆத்துமாவின் வாஞ்சை நீர்

என் ஆவி உம்மைத்தேடும்

உந்தனின் பாதையில்

செம்மையாய் நடத்துவீர் — நான்

2. நல் வாசல்கள் திறந்திட

உம தாசர் உள்ளே செல்வார்

தேவனே ராஜனே

ஜெயமதைத் தந்திடுவீர் — நான்

3. என் கிரியைகள் அனைத்துமே

நீர் ஏற்று என்றும் காப்பீர்

நடத்தியே தாங்குவீர்

சமாதானம் அருள்வீர் — நான்

4. உம் கைகள் உமக்காய் ஓங்கிட

உம் வல்லமை விளங்கும்

உம்மையே சார்ந்துமே

உம் புகழ் சாற்றிடுவோம் — நான்