நான் ஒரு பாவ

நான் ஒரு பாவ ஜென்மி

1. ஐயோ நான் ஒரு பாவ ஜென்மி ஆனேனே!

ஆண்டு ரட்சித் தருளாய் – மனுவேலனே!

உய்யும்படி தெய்வமே உன்னை அல்லால் எனக்கோர்

ஒதுக்கிட முண்டோ வேறே? – மனுவேலனே!

2. நல் வரமாய்ப் பெற்ற நீதி சுசி பாக்கியம்

ஞானம் எலாம் இழந்து – மனுவேலனே!

சொல்ல வெட்கம் அநீதி சுசிகேடு நிர்ப்பாக்கியம்

துர்ப்புத்தியும் அடைந்தேன் – மனுவேலனே!

3. மாட்சி உறும் சிங்கார வனமாம் என துளத்தை

மங்கு காடாக்கி னேனே – மனுவேலனே!

ஆட்சி கொளும் உன்சுத்;த ஆலயமாம் என் நெஞ்சை

அலகைக் கிடம் ஆக்கினேன் – மனுவேலனே!

4. உன்னை முழுப் பலத்தால் நேசியாமலே நெஞ்சும்

உரங்; கொண்ட பாவி ஆனேன் – மனுவேலனே!

என்னை நிகராக என் பிறனை நேசியாமல் நான்

இகலுற் றிருந்தேனையா – மனுவேலனே!

5. துப்புர வாம் சுத்தக் கண்ணனே உன் முன் இன்னும்

துணிகர மாய் நடந்து – மனுவேலனே!

இப்படி ஜென்ம கன்ம பாவத்தால் கேடடைந்த

ஏழைப் பாவிக் கிரங்காய் – மனுவேலனே!