முன் செல்லு முன் செல்லு வீரா

பல்லவி

முன் செல்லு முன் செல்லு வீரா! – என்றும்

இரட்சண்ய சேனையில் இரத்தம் தீயுடன்!

கண்ணிகள்

1. இருளான பாதையில் வந்தால் – அவர்

அருளினால் உன்னைப் பிடித்திழுப்பாரே!

எதிரிகள் சுற்றி வந்தாலும் – நீ

திகிலடையாமலே எதிர்த்து முன்செல்லு – முன்

2. மேகம்போல் துன்பம் வந்தாலும் – நீ

வேகமாய் இயேசுவைப் பிடித்துக் கொள்ளலாம்;

பாவத்தின் சோதனை வந்தால் – அவர்

பாதத்தைப் பிடித்து ஜெயம் பெறலாமே – முன்

3. அழுகையும் துக்கம் வந்தாலும் – அவர்

இருகரத்தா லுந்தன் கண்ணீரைத் துடைப்பார்;

சிலுவையை இங்கே சுமந்தால் – உந்தன்

சிரசிற்குப் பொன்முடி தரிப்பார் மோட்சத்தில் – முன்