இணை ஏதும் இல்லாத

இணை ஏதும் இல்லாத

திரியேக தேவனாம்

சருவத்தை ஆளுகின்ற

சருவதிகாரா!

நிகர் ஏதும் இல்லாத

ஒரே ஒரு தேவனாம்

சருவத்தை ஆளுகின்ற

கிறிஸ்தேசு ராஜா!

உடன்படிக்கை நினைத்து

தம் ஜனத்தை விடுவித்த

உன்னத ஆதி தேவா யேகோவா!

வனாந்திரத்தில் நடத்தி மன்னாவால் போஷித்து (2)

சமுகம் முன் செல்லும் என்று வாக்குறுதி அளித்தார் (2)

மண்ணுயிர் மீட்கவே மனிதனாய் பிறந்த

மன்னரின் மன்னவா மாதேவா!

மன்னிப்பும் மீட்பும் நித்திய வாழ்வும் (2)

நிச்சயம் என்று கூறி நம்பிக்கை அளித்தார் (2)

ஆவியில் அனல் மூட்டி அச்சாரமாக நிற்கும்

பரிசுத்த ஆவி தேவா துணையாளா!

சத்தியத்தில் நடத்தி வாக்கினால் போஷித்து (2)

என்றும் நம்முடன் என்று வாக்குறுதி அளித்தார் (2)

இணை ஏதும் இல்லாத திரியேக தேவனாம்

சருவத்தை ஆளுகின்ற சருவதிகாரா!

நிகர் ஏதும் இல்லாத ஒரே ஒரு தேவனாம்

சருவத்தை ஆளுகின்ற கிறிஸ்தேசு ராஜா!