மெய்யல்லோ எங்கள் சேனை

பல்லவி

மெய்யல்லோ எங்கள் சேனை முன்னேறியே செல்லுது!

செவ்வையாய் அணிவகுத்து சிறை மீட்கப் போகுது!

சரணங்கள்

1. பேயல்லோ நம்மைப் பிடித் திழுத்துத் திரிந்தான்

ஜெயமுள்ள நாதனல்லோ சேனையிலே சேர்த்தார் – மெய்யல்லோ

2. தேவாதி தேவன் தான் எழுப்பின சேனையார்

தீயாலும் இரத்தத்தாலும் பகைவரை எதிர்ப்பார் – மெய்யல்லோ

3. கேடகத்தைக் கொண்டு பேயைத் தத்தளிக்கச்

செய்வோம் வாடாமுடி பெற்றிடவே கெம்பீரமாய்ப் பாடுவோம் – மெய்யல்லோ

4. யுத்தங்கள் முடிந்து நல் வெற்றிகளைப் பெற்றபின்

நித்தமுமே நாதருடன் நீடுழியாய் வாழலாம் – மெய்யல்லோ