மேகமீதில் இயேசு சுவாமி

பல்லவி

மேகமீதில் இயேசு சுவாமி

வேகம் வாராரே

அனுபல்லவி

ஆயத்தமுள்ளோரை ஆகாயஞ் சேர்க்கவே

அவர் வாராரே

1. ஆண்டவர் தாமே ஆர்ப்பரிப்போடே

அவனியில் வாராரே

மீண்டவரோ மேலோகமே செல்ல

மேதினியை விடுவார் – மேகமீதில்

2. கிறிஸ்துவுக்குள் மரித்தோரெல்லாம்

கிளம்பியே யெழும்பிடுவார்

மரிக்காதிருக்கும் பரிசுத்தரெல்லாம்

மறைந்தே போவாரே – மேகமீதில்

3. பாடுபட்டோருக்குப் பலனளிப்பாரே

பாடுபட்டவர் தாமே

கூடும் நமக்கோ குறைவில்லாப் பலனையே

கூவியே கொடுத்திடுவார் – மேகமீதில்

4. அவருரைத்த அடையாளங்களெல்லாம்

தவறாமல் நடக்கின்றதே

அவர் வரும் வேளையை எவருமே அறியார்

ஆண்டவரே யறிவார் – மேகமீதில்

5. ஆயிரம் வருஷம் ஆளுகை செய்வார்

ஆண்டவர் இயேசு தாமே

நீதி சமாதானம் நிறைந்தேயிருக்கும்

ஜோதியின் ஆளுகையில் – மேகமீதில்

6. அல்லேலூயா கீதமே பாடி

அகமகிழ்ந்தாடிடுவோம்

வல்லவர் வரும் வேளையுமிதோ

மெல்லவே நெருங்கிற்றே – மேகமீதில்