மறந்திடாதே நீ மன்னவன் இயேசுவின்

மறந்திடாதே நீ, மன்னவன் இயேசுவின்

மாண்பினைக் கூற, மறந்திடாதே நீ

1. பாலைவனமதில் வாழுகின்றார் – சிலர்

பட்டண வீதியில் அலைகின்றார்

பார் புகழும்படி நடக்கின்றார் – சிலர்

பகலிர வெதிலும் உழைக்கின்றார் – இவர்களை

2. வான மெட்டும் வண்ண மாளிகையில் – சிலர்

வானரம் வாழ்ந்திடும் கானகத்தில்

வற்றா நதிகளில் மீன் பிடிப்பார் – சிலர்

வயல் வெளிகளில் பயிரிடுகின்றார் – இவர்களை

3. பற்பல தேசத்தில் வாழுபவர் – பலர்

அற்புத அன்பினை அறியாரே

அத்தனை பேருமே அறிந்திடவே – தினம்

அறிவிக்க இயேசுன்னை அழைக்கின்றார் – இவர்களை