மனந்திரும்பு மானிடனே

பல்லவி

மனந்திரும்பு மானிடனே – உடனே!

தினந்தனை வீணாய்க் கழியாதே!

சரணங்கள்

1. காலம் விலையுள்ளது கடத்தாதே

ஞாலமதில் ஜீவன் நிலையாதே!

காலமும் மரணமும் கடுகிடுது

சீலன் இயேசுவை அண்டி சீர்ப்பட்டிடு – மனம்

2. கிருபையின் காலத்தை இழக்காதே!

திருவசனத்தை அவமதியாதே

தருணமறிந்து உணர்வடைவாயே

மரணம் வருது குணப்படுவாயே! – மனம்

3. காயம் விட்டுயிர் தான் பிரிந்திடுமே

மாய உலகின் மேன்மை மாய்ந்திடுமே!

தீய வழியை விட்டு திரும்பாயோ?

தூயனைத் தேடி இரட்சை அடையாயோ? – மனம்