மலைமா நதியோ

பல்லவி

மலைமா நதியோ மிகு ஆழ் கடலோ

மருள் சூழும் கானக வனமோ – எங்கும்

மீட்பர் சிலுவை சுமப்பேனே

சரணங்கள்

1. பள்ளம் மேடு தடை தாண்டியே

பசாசின் கண்ணிக்கு நீங்கியே

உள்ளார்வமுடன் விண் பார்வையுடன் – நான்

மெல்ல மெல்ல நடந்தே – எனின்

மீட்பர் சிலுவை சுமப்பேனே — மலைமா

2. இன்னல் துயர் பிணி வாதையில்

ஈனரெனைத் தாக்கும் வேளையில்

துன்பம் களைந்தே துயரம் ஒழிந்தே – நான்

தூயன் பாதையில் ஊர்ந்தே – அவர்

தூயச் சிலுவை சுமப்பேனே — மலைமா

3. பூலோக மேன்மையை நாடிடேன்

புவிமேவும் செல்வம் தேடிடேன்

சீலன் சிலுவை சிறியேன் மேன்மை – என்

ஜீவன் வழி மறை இயேசுவே – அவர்

ஜீவ சிலுவை சுமப்பேனே — மலைமா