மகிழ்ந்து புகழ்ந்து

இயேசுவை வாழ்த்திப் போற்றும்

பல்லவி

மகிழ்ந்து, புகழ்ந்து, மிகப்பணிந்து, துதித்தேசுவை

வாழ்த்திப் போற்றும், என் ஆத்துமாவே.

அனுபல்லவி

தகுந்த காலத்தில் க்றிஸ்துன் அகந்தைப்பவம் தீர்த்துனைத்

தமது கிருபைச் சமுகந்தனில் சேர்த்ததால் – மகிழ்ந்து

சரணங்கள்

1. சிந்தை மகிழ்ந்து சத்திய மார்க்கத்தில் ஓடு;

தினந் தினம் ஜெபத்தில் தேவாவியைக் கூடு;

விந்தையாய் மெய்ஞ்ஞான பதங்களைப் பாடு;

விண் உலகத்தின் நித்ய வாழ்வினைத் தேடு;

வீரமாய் மறை கூறும் சத்தியமே,

நயமே, ஜெயமே-திவ்விய

சாரமாய் வெகு தாரமாய்ப் பார்த்து,

தேறுவாய், களி கூருவாய் தினம் – மகிழ்ந்து

2. அவரைப் பின் சென்ற பின்பாசை ஆகாது;

அநித்திய உலகத்தின் பாசம் ஆகாது;

பவம் மிகும் மாமிச இச்சை ஆகாது;

பரிசுத்த நெறி விட்டுப் பிரிவ தாகாது;

பந்தயப் பொருளைச் சிந்தையில் எண்ணியே,

நண்ணியே உன்னியே,-மகா

விந்தைக் கிறிஸ்தரசன் உன்தன் சிரத்தின் மூடி,

சந்தோஷமாய்ச் சூட்ட முந்தியோடு, மிக – மகிழ்ந்து