மாயையில் மனம் ஓடவையாதே உன்னை

1. மாயையில் மனம் ஓடவையாதே – உன்னை

விட்டாலது கொஞ்சம் நில்லாது;

பாவையில் கட்டின கயிற்றைப் போல் – அகற்றுப்

போகக் காலம் கிட்டி வருகுதைய்யோ;

ஒரு வழி பாரு தினம் உன்னை நேரு

2. பூலோக வாழ்வதின் புகழென்ன? – பூ

வாடி உதிர்ந்தால் அதின் நிறமென்ன?

மாய உலகிலுனக்கென்ன? – ஜீவன்

வம்பில் விடுத்தால் அதன் பலமென்ன?

மாயை மறந்தோடு சுக இடம் தேடு

3. பலமுள்ள சிம்சோனைக் குறைவு செய்த – படு

பாதகி நீயே தாசி தெலீலாளே!

மன திழந்த மொழியைக் கேட்டாயே – கெட்ட

பெலிஸ்தர் கையிலவனைக் கொடுத்தாயே

படுபாதகியே, நரகவாசி நீயே

4. கழுதை எலும்பால் ஜெயங்கொண்டவனே – நீ

அழுது புலம்பி மாவரைப்பதென்ன?

பரகதி வாழ்வை நீ கெடுத்தாயே – பலர்

பரிகாசம் செய்ய உன்னைக் கொடுத்தாயே

மதி மறந்தவனே, துயரடைந்தவனே