மாசில்லாமல் தூயதான

(1-ஆம் பாகம்)

1. மாசில்லாமல் தூயதான

பளிங்கிலேயும் தெளிவான

சுத்தாங்க ஊற்றே, இயேசுவே;

கேரூபீங்கள் தூய சீரின்

பிரகாசம் யாவுந் தேவரீரின்

முன்பாக மங்கிப்போகுதே;

என் பாவத்தின் இருள்

அனைத்தும் உமக்குள்

தொலையட்டும்;

ஆ, இயேசுவே, நான் உமக்கே

ஒப்பாய் சுத்தாங்கமாகவும்.

2. மனசார சாவுமட்டும்

“பிதாவின் சித்தமே ஆகட்டும்”

என்றீர், அமர்ந்த இயேசுவே;

என் மனமும் “தெய்வ சித்தம்

என் நன்மை,” என்றதற்கு நித்தம்

கீழ்ப்பட்டடங்க, உம்மையே

பின்பற்ற, தேவரீர்

சகாயம்பண்ணுவீர்;

எந்நோவிலும்,

என் இயேசுவே, நான் உமக்கே

ஒப்பாய் அமர்ந்திருக்கவும்.

3. ராப்பகல் உறக்கமற்று

நல்மேய்ப்பராய்ப் பிரயாசப்பட்டு

நன்றாய் விழித்தீர், இயேசுவே;

நித்தம் நித்தமும் போதித்தீர்,

மங்கா வெளிச்சக் கண்ணனே;

விழித்துக் கெஞ்சவே,

நான் உம்மிடத்திலே

படிக்கட்டும்;

ஆ, இயேசுவே, நான்உமக்கே

ஒப்பாய்விழித்திருக்கவும்.

(2-ஆம் பாகம்)

1. நீர் நிறைந்த நேசமுள்ளோர்,

எல்லாரின் மேலும் தயவுள்ளோர்,

மகா அன்புள்ள இயேசுவே;

உம்மால் தீயோர் பேரிலேயும்

பகல் உதிக்கும், மாரிபெய்யும்,

பெரிய உபகாரியே,

ஆ, இந்த உமது

குணம் என் மனது

அடையட்டும்;

என் இயேசுவே, நான் உமக்கே

ஒப்பாய் அன்பாய் இருக்கவும்.

2. குற்றமின்றி குரோதமற்று,

எல்லா இகழ்ச்சியையும் பட்டு

மன்னித்தீர், சாந்த இயேசுவே;

தெய்வ வீட்டுக்காய் அல்லாமல்

நீர் வேறெரிச்சலைக் காட்டாமல்

இருந்தீர், ஆட்டுக்குட்டியே,

நான் அந்தப் பக்தியாய்

மிகுந்த சாதுவாய்

இருக்கட்டும்;

ஆ, இயேசுவே, நான் உமக்கே

ஒப்பாக சாந்தமாகவும்.

3. சுய மேன்மையைத் தேடாமல்,

ஓர் மேட்டிமையையும் காட்டாமல்,

மாதாழ்மையானீர் இயேசுவே;

வேலைக்காரன்போல் திரிந்தீர்,

எல்லாரிலும் நீரே பணிந்தீர்,

மகா பெரிய கர்த்தரே,

ஆ, என்னை உம்முட

அடிகளில் வர

படிப்பியும்;

என் இயேசுவே, நான் உமக்கே

ஒப்பாகத் தாழ்மையாகவும்.

4. தேவரீருட பிரிய

தெய்வீக சாயலை அணிய

வாஞ்சிக்கிறேன், என் ஜீவனே;

அதுக்குமதாவியாலும்

பலத்த சத்துவத்தினாலும்

சகாயம் செய்யும், இயேசுவே

நான் உமக்கேற்கிற

கனிகளைத் தர

எக்காலமும்;

நான் உம்மிலே நிலைக்கவே

சகாயம் கட்டளையிடும்.