மானுவேல் தொண்டரே – ஆர்ப்பரிந்து
மகிழ்ந்து பூரிப்போம்
மானிலமீது சமாதானமா மென்ற
வானவர் வாழ்த்துவறா தெனநம்பும்
நானிலமெங்கும் சகோதர ஐக்கியம்
நண்ணும் பகலருணோதயம் ஆகுதே
நாடுவோம் – அதைத் தேடுவோம் – இனி
நாமுமுயற்சி கையாடுவோம் பாடுவோம்
தீர்க்க ருரைப்படியே – உலகெங்கும்
தீங்கீலாக் காலம் வரும்
தாக்கும் படைக்கலங்கள் – கிருஷிகச்
சாதனமாகி விடும்
மாக்க ளெலாமொரே தந்தையின் மக்களாய்
மன்னன் யேசுவுக்கு ளன்றான தோழராய்
வாக்குவாதங்கள் வழக்குகள் யுத்தங்கள்
நீக்கி யிணக்கம் பொறுமை நற்குணங்கள்
நிலைத்து – அன்பு – வளர்த்துக் – கரங்
கொடுத்து – உற – வடுத்துமதிப்பர்
போன காலங்களிலே – நடந்திட்ட
பொல்லாங்கும் பாடுகளும்
ஈனத் துரோகங்களும் – விளைவித்த
ஈங்கிசை போதும் இனி
வானபரனின் மலரடிக் கண்ணுற்று
வல்ல பரிசுத்த் அன்பினாவி பெற்று
மானுவேலே சையர் நாமமே முன்னிட்டு
மற்றுமவர் செய்கை மாதிரி நாம் கற்று
மாட்சியாய் – அவர் – சாட்சியாய் – இந்த
மண்ணிலத்தார் ஒத்து வாழச் செபித்துமே
சர்வ ஜனநேசம் – நிறைவுறத்
தாமதமானாலும்
கர்வம் பொறாமை பகை – தடை செய்யக்
காலம் நீடித்தாலும்,
அருள் நம்பிக்கை கொண்டற்ப மெனு நம்மால்
ஆனதைச் செய்குவோம் முன்தூதர் போலவே
இருளகல விடிவெள்ளி தோணுது
எங்கும் நடுப்பகல் மங்களநாள் வரும்
யேசுவே – இக – மாசுடர் – அவர்
நேசமே – புவித் – தோஷமகற்றிடும்